Iako je prošlo tri godine od kada je završio karijeru, o Nikoli Pekoviću se još priča u NBA ligi.

Zbog povreda nije ostavio trag kakav je mogao, ali kada je bio zdrav i spreman bio je „zvijer“ u dresu Minesote.

Andre Dramond, snažni centar i jedan od najboljih defanzivaca na poziciji pet, ističe da je Peković bio najjači igrač protiv koga je igrao.

„On je daleko najjači čovjek protiv koda sam igrao. Nevjerovatno snažan. Mrzio dam da igram protiv njega. Jednostavo, mrzio. Znao sam šta meč čeka. Osjećao sam se kao dječak. Borio sam se koliko sam mogao da ga spriječim da izbori poziciju u reketu, ali nisam mogao“, kazao je Dramond, nekadašnji igrač Detroita, a sada Klivlenda.

„Peković je razlog zbog kojeg sam počeo da više radim u teretani i podižem veće težine. On me natjerao na to“, kazao je Dramond. 

Peković je od 2011. do 2017. igrao u Minesoti i nastupio na 217 utakmica, uz prosjek od 12,6 poena i 6,7 skokova.