Nakon svega viđenog, možda i pravedna podjela bodova.

Blijedo prvo poluvrijeme, u kojem ističemo samo nespretnu reakciju Soppa u svom šesnaestercu i možda i nedosuđen penal za Zetu.

Drugo poluvrijeme mnogo bolje, Rudar je krenuo agresivnije i otvorenije ka golu protivnika, pa su i šanse počele da dolaze. Imao je prvo Bošnjak solo prodor i dobar udarac sa lijeve strane, ali pored gola. Zeta je pokušavala na kontre, takva jedna se desila posle šanse Janketića i intervencije odbrane Zete sa gol linije, Krstovic je iz kontra akcije na drugoj strani promašio prazan gol sa manje od metra. Ističemo i šansu Đalovića u 94. minutu, kada je posle odličnog centaršuta Vukovića, zahvatio loptu glavom, ali je ona završila na prečki.

Sve u svemu, podjela bodova, Rudar nakon dva kola bez postignutog, ali i bez primljenog pogotka. Slijedi gostovanje Grblju u vanrednom kolu u srijedu u Radanovićima.