Vrijeme je da se muškatle sklone na toplo i tamno mjesto kako bi dočekale proljeće u punom cvijetu.

Muškatle je takva vrsta cvijeća koja voli udobnost toplog i ušuškanog mjesta. Kada se temperatura spusti na 10 do 15 stepeni celzijusa, ove biljke zahtjevaju da ih unesemo u kuću.

Do prvog proljećnog sunca držite ih u podrumu ili na tavanu, gdje je toplo. Svakih 20 dana ih zalijte pomalo. Takođe sve manje izdanke treba odsjeći tako da ostanu samo glavni djelovi biljke bez listova.

Baštovani predlažu još jedan način čuvanja i rasađivanja muškatli. Iscvjetali vrh otkinite rukom na dužinu od 15 cm. Kada mu odstranite listove i cvijet, posadite ga u zemlju i zalivajte dok se „primi“, a potom ga čuvajte u toplom i tamnom mjestu do idućeg proljeća.