Na sjednicama Izvršnog i Opštinskog odbora DPS-a Pljevlja održanim dana 20. 04. 2018. godine analiziran je rezultat koji je naš kandidat ostvario na nedavno održanim predsjedničkim izborima. Predsjednik Đukanović osvojio je 9477 glasova, odnosno 51,97%, što je 13,5 % više u odnosu na parlametarne izbore koji su održani 2016. godine. Dakle 700 glasova više od zbira glasova svih ostalih kandidata zajedno.

Naši dragi sugrađani, koji su dali ogroman doprinos ovakom rezultatu, zaslužuju sve čestitke jer su se većinski opredjelili da podrže predsjednika Đukanovića i politiku koja nas sigurnim korakom vodi u porodicu evropskih država.

Pljevlja su već odlučila, tako da će ubjedljiva pobjeda na lokalnim izborima 27. maja, biti dodatna obaveza svih nas da završimo započete i realizujemo nove projekte koji su važni za bolji i kvalitetniji život naših sugrađana.

Ovom prilikom, zahvaljujemo se svim članovima, simpatizerima i građanima koji su ukazali povjerenje predsjedniku Đukanoviću, ali i svim ostalim biračima koji su doprinjeli da izborni proces protekne u najboljem redu. Uvjereni smo da će veliki dio birača, na predsetojećim lokalnim izborima, prepoznati sve vrijednosti koje baštini DPS kao i napore naše Partije da građani žive u stabilnoj državi, socijalno odgovornoj u kojoj je bolji standard i kvalitet života najvažniji cilj.

OO DPS-a Pljevlja