Lion je napravio još jedan veliki rezultat u Ligi šampiona – poslije eliminacije Juventusa, francuski tim je večeras pobijedio Mančester siti 3:1 i igraće protiv Bajerna u polufinalu elitnog takmičenja.

Očekivao se trijumf Sitija i duel protiv Bavaraca u sljedećoj rundi, ali je Lion pomrsio račune još jednom velikom favoritu.

“Građani” ni ove sezone nisu uspjeli da se približe evropskoj kruni, iako su čini se bili nikad bliže da dođu bar do polufinala.

Kada je Korne u 24. minutu doveo Lion u vođstvo, bilo je jasno da će ekipa Pepa Gvardiole morati dobro da se oznoji za pobjedu.

Poslije tog pogotka bolji su bili “građani”, a inicijativu su krunisali u 69. minutu, kada je De Brujne pogodio mrežu.

Međutim, tada je na scenu stupio Musa Dembele. Najprije je u 79. minutu pogodio za 1:2, a onda je nestvarnim promašajem Sterlinga Siti propustio šansu da izjednači.

Minut nakon toga, Dembele je ponovo bio na pravom mjestu i riješio sve dileme u Lisabonu.

Lion će u polufinalu na Bajern, dok će se za drugo mjesto u finalu boriti Lajpcig i PSŽ.

MANČESTER SITI – LION 1:3
De Brujne 69. – Korne 24, Dembele 79, 87.