Foto: Pixabay –

Povišenu temperaturu ne treba liječiti čim se pojavi, odnosno lijekovi nisu potrebni dok ne pređe 38,5 stepeni, osim ako nemamo drugih simptoma, od glavobolje do bolova u cijelom tijelu, kaže dr. Dragan Soldo

Nešto hladniji dani i visoka vlaga u vazduhu pogoduju virusima, pa je mnogo onih koji su ovih dana ‘pokupili’ prehladu. Najčešće se javlja uz kijanje, kašalj, pojačano curenje nosa, iako se mogu javiti i faze kad je nos začepljen, a prvi ili drugi dan od pojave simptoma nerijetko se javi i blago povišena temperatura.

„Povišenu temperaturu ne treba liječiti čim se pojavi. Ona je znak da se tijelo bori protiv bolesti i najčešće će proći sama“, kaže dr med. Dragan Soldo, porodični ljekar iz Zagreba za 24sata.

Važno je kako se osjećate

Ako se javi temperatura niža od 38,4 stepena ne treba odmah piti lijek za njeno snižavanje, ako se inače ne osjećate loše. Bolje je da skinete dio odjeće, kako bi se tijelo lakše prirodno hladilo ili da se istuširate vodom koja je samo stepen, dva hladnija od temperature tijela, kaže ljekar.

„Tek ako temperatura prelazi 38,5 stepeni i ne pada neko vrijeme, odnosno ako i s nešto nižim vrijednostima temperature imate glavobolju i se osjećate fizički loše, treba popiti neki antipiretik, savjetuje liječnik. Ako nema drugih simptoma osim temperature, najbolje je izabrati lijek na bazi paracetamola, dok u slučaju glavobolje, umora, osjećaja da vas je netko pretukao, pa vas bole mišići i kosti, možete izabrati lijek na bazi ibuprofena, koji djeluje protiv upalno i ublažiće simptome.

Temperatura između 38 i 39 stepeni uopšteno je znak da se organizam bori protiv bolesti i može potrajati ili se ponavljati i do pet dana, što se smatra normalnim tokom bolesti. Ipak, ako potraje duže, moguće je da je znak upalnih procesa u organizmu, pa se treba posavjetovati s ljekarom.

Kolika temperatura je visoka

„Kad se temperatura digne iznad 39,5 stepeni, to smatramo visokom temperaturom. U tom slučaju dobro je odmah započeti sa spuštanjem temperature hladnim oblozima i kupkama, ali nikako u prehladnoj vodi, jer to može dovesti do napada s konvulzijama. Istuširajte se ili odležite u mlakoj vodi i obavezno popijte lijek za snižavanje temperature“, kaže ljekar. Po potrebi, lijek se može popiti i 3 do 4 puta na dan, prema uputstvima koje ste dobili od ljekara ili farmaceuta.

Mjere za djecu

Poseban oprez savjetuje se s djecom: Ljekovi nisu potrebni sve do 38 stepeni, ako je dijete koje ima temperaturu dobro, ima apetit i želju za igrom. U tom slučaju, dovoljno je smanjiti djetetovu odjeću ili ga rashladiti kupkom, odnosno tušem čija temperatura odgovara temperaturi tijela. S druge strane, i kod nižih temperatura treba reagovati ako je dijete bezvoljno i nema apetita.

Ako visoka temperatura kod djeteta potraje, a posebno ako ne prolazi nakon što ste mu dali lijek, obavezno se javite ljekaru.

S visokom temperaturom uopšteno treba biti na oprezu: Sve više od 40 stupnjeva predstavlja stanje zbog kojeg treba pozvati hitnu pomoć, jer i ako relativno kratko traje može dovesti do oštećenja niza organa i sistema u tijelu, upozorava ljekar.